Honeetan egunetan lana daukagu. ASECSA deitzen dan elkartea etorri da Pochutako inguruetan lan egitera eta eurekaz joatea gonbidatu deuskue.
ASECSA oso elkarte handia eta ezaguna da Guatemala osoan. Hainbat elkarte eta ONGgaz egiten dau lan edo behintzat, elkarte askori laguntzen ahalegintzen dira. Proiektu zabalak eta garrantzitsuak eroaten dabez aurrera. Hurrengo honeek dira euren helburu nagusiak:
- Inguru sozialean emakumeari indar handiagoa ematea.
- Emakumeak, batez be, baina ume gehienak eskolarizatuak izatea.
- Eskolarizatuak diren ume horreek 13 urtetik aurrera be, ikasten jarraitzea.
- Etxea ahalik eta garbien izatea. Higienea eta osasuna indartu.
- Ahalegindu amatasun adina atzeratzea: 10 urteko umeak amak izaten dira.
- Aurrekoagaz lotuta, ume kopurua murriztea. Eta hórrela umeen bizi kalitatea hobetzea (ez daukate jatekorik, ezin dira eskolara joan, ez daukate nola mantendu umeak…)
- Osasun neurriak kontutan izatea: transmizio sexualeko gaixotasunak murriztea.
Honetan egunetan, Pochuta eta inguruko eskolatara joan gara. ASECSAko neska bigaz joan gara, Sandra eta Vilmagaz. Oso ondo azaldu dabe gaur egungo egoera. Aurreko gai guztietaz berba egin dabe eta oso berba zuzenakaz. Hasieran barrezka hasten dira gehienak baina gero, konturatzen dira berbak benetazkoak direla eta ulertzen dabe guztia.
Insituto de computación. Patulul.
Instituto básico. Pochuta.
Euren azalpenak amaitu eta gero, Valentinek geuk berba egitea eskatzen deusku. Hasieran ez dakigu oso ondo zer esan baina guere aurkezpena egin da gero, geure egoera erreala kontatu deutsegu. Oso mundo desbardinetan bizi garala eta geuk atera doguzan ondorioetaz berba egin deutsegu. Lehenengo egunerako, busetik baja eta gero 13 urteko bikote bat ikusi genduan eta gurasoak ziren. Hori guretzak eta gure errealidadean ez dogu inoiz ikusiko eta guretzat egoera hori imaginaezina dala esan deutsagu. Bihotzez egin deutsagu berba eta ASECSAk egiten dauan lana kontutan izatea eskatu deutsegu eta eurek esandakoa broma bat moduan ez hartzea, bizitza luzea dala eta gauza bakoitza bere adinean egin behar direlako.
Colegio San Miguelito. Pochuta.
Colegio de Guadalupe. Pochuta.
Berbetan egon garan bitartean, danak egon dira aho zabalik, 29 urteko neska gazteak garela, senargabeak eta ez daukagula umerik esan da gero…Momento hori benetan harrigarria izan da guretzat…handik aurrera guk esan dugun guztia pentsa zelako eragina izan dauan euren pentsamentuetan…Izugarrizko sentsaziñoak bion aldetik.
Equipo osoa ia ia: Lidia, Bety, Sandra, Iliana, Amaia eta neu. (Valentin argazkia ateratzen dago).